الرياضه هي اساس الصحه
طبعا اغلب الي قرأوا مدونتي عرفوا انه التحدي مالي هو الركض يوميا اقل شيء كيلوين وهدي انه اوصل ل10 كم اقل في ساعه بالجري المستمر .
وهذا هو اليوم العاشر من التحدي راح اخليكم تتحفزون حت تمارسون الرياضه يوميا بأي رياضه تكدرون تقومون بيها لانه لحد الان ركضت مايقارب 38 كم وهذا شيء جديد بحياتي انه هيج مسافه اكطعها وبهيج وقت قليل وانتم هم تكدرون .
الشي الي دا اسوي مو شيء مخربط انما يشء منتظم ومن خلال هالتحدي تعلمت تنظيم الوقت والاستمرارية بالعمل و تعلم الامور الصحيه قبل القيام باي شيء ما هي اضراره وماهي منافعه وشفت هواي فيديوهات نفعتني بهذا الشيء من ضمنهاهالفيديو حت تكون طريقة الركض الي امارسها بصورة صحيحه و لياقتي بحاله صحية جدية ولا اتشنج
وطبعا التقديم الي حققته جاي احس بي من خلال لياقتي وطريقة تنفسي وراح اراويكم صور بيها نسبة الانجاز الي حققته من بدايه التحدي لليوم ال10
وطبعا هذا التقدم والانجاز الي حققته بسبب الاصرار والتحدي مع نفس اولا
والبرنامج الي استخدمته لمتابعه تقدمي هو برنامج صحتي بجهاز الايفون
وجاي اشوف نفسي جاي اتقدم كلش تقدم كبير وهذا مبين من خلال الصور واكيد بالبدايه عانيت من تعب والم و تشنج اول ايام وهسه الشغله صارت عاديه وهسه من جاي اركض بدون توقف خلال ساعه كامله وبدون اي استراحه وانه نفسي طبيعي ومرتاح وعضلاتي تشتغل بصورة طبيعيه صحية
وعندي حماس اكمل للاخير واوصل للهدف مالتي حت لو كنت ما افوز بالتحدي
وبعد كل هذا الشيء انه ممتن
لاستاذ مرتضى بالاول والى جميع من ساندني معنويا والى عائلتي الي تحفزني يوميا على هالشيء
وثانيا كلش ممتن من الاشخاص الي يقرون المدونات ويعلقون عليها حت يكون حافز لبقيه الاصدقاء ينشرون بمدوناتهم
وثالثا ممتن جدا للتكنلوجيا الي جاي تخلينا نقدر نحقق احلامنا ولو بشكل بسيط ونجد حلول لمشاكلنا
وشكرا لكم من القلب جميعا والتوفيق لكم
ليست هناك تعليقات:
إرسال تعليق