والاااااان على طريقة الضلع
خلص ثلثين من التحدي وبقي ثلث من هاي التجربه الممتعه والمفيده والمثمره
جانت كلش فتره حلوه من والجاي بعد احلى قبل هذا التحدي ما جنت اكدر اركض 2كم بالساعه وهسه صار عندي واهس ولياقه وصحه من خلال التحدي اكدر اركض 5 كم بالساعه
وهذا هو اليوم 20 من التحدي ،خلي اكلكم شنو صار بتقدمي ،ولحد الان ركضت ما يقارب 77 كم خلال هاي مده كل يوم تقريبا 4 نص كم يوميا .
والحمدالله هسه بعد متابعه هواي فيديوات و هواي قنوات تعليميه لرياضه الجري او الركض واتباع اسلوب يكون مؤثر ايجابي و ما يأثر سلبي على الصحه و على اللياقه طبعا اكيد حسب جدول منتظم واي شيء يواجهني ويكون خطأ اتعلم منه بدون ردة فعل سلبيه وهاي صورة من قلب الحدث
واهم الاشياء الي ما جاي نستخدمها صح هو الموبايل انه اكثر شغله
فادتني بهذا التحدي هو تطبيق صحتي و تطبيق الملاحظات عالايفون الي كان كل تنظيم وقتي وشغلاتي عليها
وهسه جاي اشوف نفسي جاي اتقدم كلش هواي بهذا التحدي من خلال ملاحظه لياقتي وقدرتي عالتنفس ومن خلال اصراري على انهاء شغله بديتها وهذا لوحده انجاز ، انه واحد يكون ملم بشغله ما كان اله بيها واهس
ومرات احس بالم وتشنجات واخاف انه يوم من الايام خلال هالفتره يجيني ظرف وما اكدر احدد وقت للتحدي ويكون هذا خساره بحد ذاتها لنفسيتي .
بس ان شاء الله ما يكون هناك عائق على اكمال التحدي مالتي وان شاء الله اكون في المقدمه والنجاح مع ذاتي ونفسي هذا هو الانجاز .
وان شاء يكون هناك وقت اخر بعد هذا التحدي ابدي تحدي ثاني
وبالاخير وليس اخر احب اشكر الجميع الي جاي يساعدني معنوي او مادي على قضاء هاي اللحظات بممارستي للتحدي
واني ممتن لهواي شغلات راح اذكر احدها
اللطف والصحه والعافيه من الله سبحانه وتعالى علينا
وثانيا انه بهاي الحياة ممتن لمعرفتي اشخاص طموحين ومحبين للمساعده مثلكم
تحياتي لكم
ليست هناك تعليقات:
إرسال تعليق